Þjónusta

Móttaka lækna tilheyrir kjarnastarfsemi heilsugæslunnar. Ekki er nauðsynlegt að vera með skráðan heimilislækni til að vera skráður á heilsugæsluna, í þeim tilfellum fá skjólstæðingar heilsugæslunnar tíma hjá næsta lausa lækni.  

Á heilsugæslunni starfa hjúkrunarfræðingar sem sinna móttöku skjólstæðinga Heilsuvernd heilsugæslu. 

Lyfjaendurnýjanir fara fram með rafrænum skilríkjum á Heilsuveru eða í símtali við hjúkrunarfræðing.

Helsta markmið meðgönguverndarinnar er að stuðla að eðlilegri meðgöngu, greina áhættuþætti eins fljótt og auðið er og bregðast við þeim. 

Fylgst er reglubundið með heilbrigði og framförum á þroska barna, andlegum, félagslegum og líkamlegum, frá fæðingu til skólaaldurs. 

Hjúkrunarfræðingar Heilsuvernd heilsugæslu sjá um bólusetningar og veita almenna ráðgjöf.

Allir sem eru með legháls og hafa stundað kynlíf ættu að mæta í reglubundna leghálsskimun.  

Rannsóknarstofan Sameind ehf. annast blóðsýnatökur og tekur á móti öðrum sýnum til rannsóknar að beiðni lækna á heilsugæslustöðinni. 

Boðið er upp á sálfræðiþjónustu fyrir börn, ungmenni og fullorðna einstaklinga.

Meðferð hjá næringarfræðingi felur alltaf í sér einstaklingsmiðaða nálgun þar sem unnið er út frá vanda einstaklingsins.

Hlutverk lyfjafræðings á heilsugæslunni er að veita klíníska lyfjaráðgjöf bæði til lækna og skjólstæðinga stöðvarinnar. 

Hreyfiseðill er meðferðarúrræði eða hluti af meðferð við sjúkdómum eða sjúkdómseinkennum sem vitað er að hreyfing geti haft jákvæð áhrif á. 

Markmið heilsuverndar grunnskólabarna er að efla heilbrigði þeirra og stuðla að vellíðan.