Móttaka heimilislækna tilheyrir kjarnastarfssemi heilsugæslunnar
Á Heilsugæslunni í Urðarhvarfi starfa nú 5 sérfræðingar í heimilislækningum. Hver læknir er með ákveðinn hóp skjólstæðinga á skrá hjá sér. Fjöldi skráðra skjólstæðinga á hvern lækni í fullri stöðu er yfirleitt á bilinu 1600-1800 manns.
Vakin er athygli á því að heilsugæslan er opin öllum, óháð búsetu.
Læknar Heilsuverndar – Heilsugæslunnar í Urðarhvarfi
Lyfjaendurnýjanir
Gildir um lyf sem viðkomandi hefur fengið áður á Heilsugæslunni eða upplýsingar eru til um frá öðrum læknum. Hjúkrunarfræðingar taka niður upplýsingar og koma til læknanna sem meta.
Lyfseðlar eru sendir rafrænt í svokallaða lyfseðlagátt sem er miðlægur grunnur. Öll apótek geta sótt lyfseðlana þaðan.
Varðandi tölvupóstsamskipti: Landlæknisembættið mælir gegn sendingu viðkvæmra upplýsinga vegna öryggissjónarmiða, tölvupóstur þykir ekki nógu öruggur.
Þú hefur eftirfarandi valmöguleika:
1. Rafrænt á heilsuvera.is Þarf rafræn skilríki.
2. Hringja í hjúkrunarfræðing milli 10:00 – 11:30 í síma 510-6550 alla virka daga.
4. Koma á stofu. Mikilvægt að fylgjast með heilsufarinu, til að fá fjölnota lyfseðla á föst lyf.
Ekki er hægt að fá endurnýjuð sterk verkjalyf, róandi lyf og svefnlyf gegnum síma. Til að fá fjölnota lyfseðla þarf að koma á stofu.
Heilsuvera.is
Á vef Heilsuveru.is getur þú með rafrænum skilríkjum meðal annars sent lækninum þínum skilaboð, beðið um lyfjaendurnýjun, bókað tíma og skoðað yfirlit bólusetninga.