Símaþjónusta í stað pantaðra tíma

10.03.2020

Í ljósi neyðarstigs almannavarna vegna COVID-19 er fjarþjónusta og símaþjónusta aukin til muna og símatímum lækna verður fjölgað. Hjúkrunarfræðingar munu eftir sem áður veita símaráðgjöf.

Breytt þjónusta heilsugæslunnar – Aukin síma- og vefþjónusta

Leiðir til að hafa samband:

Símtal á Heilsugæslu á dagvinnutíma, sími 510 6510
Samskipti og beiðni um símaviðtal á Mínar síður á www.heilsuvera.is
Netspjall á heilsuvera.is – kl. 8:00-22:00
Hringið í vaktsíma 1700 ef erindið þolir ekki bið

Takmarkanir á fjölda gesta, eingöngu komi:

Einn aðstandi með í ung- og smábarnavernd
Enginn fær að koma með verðandi móður í mæðravernd
Allir gestir sem eru með einkenni um sýkingu skulu setja á sig maska og hanska við komu.
Nær öll námskeið falla niður

Haft verður samband við alla þá sem eiga pantaðan tíma og reynt að leysa erindið símleiðis. Við verðum að sjálfsögðu á staðnum og sinnum þeim sem þurfa að koma á heilsugæslustöðina.

Ungbarnavernd, mæðravernd og heilsuvernd skólabarna verður áfram en tímar ef til vill færðir, við höfum samband ef þess þarf.

Þjónusta í gegnum vefinn heilsuvera.is er einnig aukin, bæði í formi skilaboða á mínum síðum og þá verður netspjall opið alla daga frá 8.00 – 22.00.

Aðeins þeim sem hafa dvalið á skilgreindum hættusvæðum samanber leiðbeiningar sóttvarnalæknis eða verið í samneyti við smitaða er boðin sýnataka eins og staðan er í dag.

Sýni eru tekin á dagvinnutíma á heilsugæslustöðvum og hringja þarf á undan sér á viðkomandi stöð.